Татарстанда өч машина һәм фура бәрелешкән авария видеога эләккән
Үлем очрагы белән төгәлләнгән һәлакәт М7 трассасында кичке сәгать бишләр тирәсендә булган.
(Казан, 14 декабрь,«Татар-информ»). Татарстанда өч автомобиль һәм фура белән булган юл-транспорт һәлакәте видеога эләккән. Видеоязманы «Татар-информ»га фаҗига шаһитлары җибәргән.
Татарстан Эчке эшләр министрлыгының матбугат хезмәтендә хәбәр итүләренчә, авария бүген кичке бишләр тирәсендә М7 трассасында булган. «ДЭУ» җиңел машинасын йөртүче узарга тырышканда, «Тойота» машинасына бәрелеп киткән, ә тегесе бәрелүдән каршы як полосага чыгып, «Мерседес» фурасы белән капма-каршы бәрелешкән. «ДЭУ» көчле бәрелүдән «Сузуки»га килеп кергән.
Авариядә «ДЭУ» шоферы һәлак булган. Урында ЮХИДИ инспекторлары эшли. Авария турында мәгълүмат ачыклана.
