Татарстанда өч көн уртача салкын һава торышы булачак
Республика территориясендә явым-төшем көтелми.
Скопировать ссылку
(Казан, 29 гыйнвар, «Татар-информ»). Якындагы өч көндә Татарстан территориясендә һава торышын антициклон билгеләячәк. Бу турыда Гидрометеорология һәм әйләнә-тирә мохитне күзәтү үзәге хәбәр итә.
Бүген республика территориясендә аязучан болытлы һава, явым-төшем көтелми. 30-31 гыйнварда һәм 1 февральдә төбәктә уртача салкын һава торышы. Явым-төшем юк.
30-31 гыйнварда көндез һава температурасы -20, ә аязганда -25 градуска кадәр төшәчәк. 1 февральдә -15...-19 градус салкын булачак.
30 гыйнварда төнлә -10...-15 градус, калган көннәрдә көндез -7...-12 градус салкын.
Ялларда, 2 һәм 3 февральдә Татарстанда уртача салкын һава торышы. Урыны белән бераз кар явуы ихтимал.