news_header_top_970_100
news_header_bot_970_100

Татарстанда өч хастаханәнең баш табиблары алышына

Бүген Татарстанның иң зур медицина учреждениеләренә яңа җитәкчеләр билгеләнәчәк.

(Казан, 23 апрель, «Татар-информ», Валерия Белова). Бүген Татарстанның иң зур медицина учреждениеләренә: Республика балалар клиник хастаханәсе (ДРКБ), Республика клиник хастаханәсе (РКБ) һәм 21нче шәһәр поликлиникасына яңа баш табиблар билгеләнәчәк. Бу хакта «Татар-информ» агентлыгына сәламәтлек саклау өлкәсендәге үз чыганагы хәбәр итте.

Моңа кадәр Республика балалар клиник хастаханәсен җитәкләгән Рафаэль Шәвәлиев Республика клиник хастаханәсенең баш табибы итеп билгеләнәчәк. Ә Республика балалар клиник хастаханәсен Айрат Зыятдинов җитәкләячәк.

Моңа кадәр Айрат Зыятдинов 21нче шәһәр поликлиникасын җитәкләгән иде. Рөстәм Гайфуллин әлеге поликлиниканың баш табибы итеп билгеләнәчәк. Ул 2010 елдан Республика клиник хастаханәсенә җитәкчелек итте. 

news_right_column_1_240_400
news_right_column_2_240_400
Медиаметрикс
news_bot_970_100