Авыл 23 март 2010 16:58

Татарстанда чөгә балыгы үрчетү буенча яңа комплекс төзеләчәк

Яңа объектны Балык Бистәсе районында төзергә ниятлиләр

Скопировать ссылку

(Казан, 23 март, “Татар-информ”, Ирина Игнатьева). Быел Татарстанда чөгә балыгы үрчетү буенча яңа комплексны төзү эшләре башланачак. Яңа объектны Балык Бистәсе районында төзергә ниятлиләр. Бу хакта “Татар-информ” агентлыгына ТР Авыл хуҗалыгы һәм азык-төлек министрлыгыннан хәбәр иттеләр.
Яңа комплекс стационар һәм йөзмә балык үрчетү заводларын үз эченә ала. Объект “2009-2010 елларда Татарстанның балык хуҗалыгы комплексын үстерү” максатчан программасына кертелгән. Комплекс федераль һәм республика бюджетларыннан финансланачак. Мәскәү – 160,3 миллион, Татарстан 69,9 миллион сум акча бүлеп бирәчәк.
Сүз уңаеннан, быел Татарстанда 820 тонна балык җитештерү күздә тотыла. Узган ел ул 800 тонна тәшкил иткән иде.

Сәхифәләр

Татарстанда чөгә балыгы үрчетү буенча яңа комплекс төзеләчәк