Татарстанда Cessna самолеты һәлакәткә юлыккан, пилот һәм пассажир һәлак булган
Скопировать ссылку
«Татар-информ»га Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр итүләренчә, Татарстанда җиңел моторлы самолет һәлакәтендә ике кеше үлгән.
Cessna-172 самолеты Шәмәрдән авылында шәхси торак йорт бакчасына төшкән. Пилот һәм пассажир һәлак булган. «Татар-информ»га билгеле булганча, самолетта инструктор һәм укучы булган.
Җирдә җимерелүләр, шулай ук һәлак булучылар һәм зыян күрүчеләр юк. Һәлакәтнең сәбәбе ачыклана.
