Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда быел янгыннарда һаләк булучылар арткан
Янгын аркасында үлүчеләрнең яртысы исерек хәлдә булган.
(Казан, 29 ноябрь, “Татар-информ, Алинә Айдарова). Быел республикада янгыннарда һәлак булучылар, узган ел белән чагыштырганда, 19 кешегә арткан. Бу хакта РФ гадәттән тыш хәлләр министрлыгы ТР буенча Баш идарәсенең күзәтчелек һәм кисәтү эше идарәсе хезмәткәре, эчке хезмәт подполковнигы Максим Әскәров “Татар-информ”да узган матбугат очрашуында хәбәр итте.
Быелның 11 аенда Татарстанда 2 819 янгын теркәлгән. “Янгыннарда 131 кеше һәлак булды. Алар арасында 4 бала бар. Бу сан узган елга караганда 19 кешегә күбрәк”, - диде Максим Әскәров.
Саләмәтлекләренә зыян килгән кешеләр саны 231 тәшкил итә. Максим Әскәров янгын аркасында сәламәтлекләренә зыян алучылар саны былтырга караганда 24 кешегә артканын әйтте.
Подполковник сүзләренчә, янгын чыгуның төп сәбәбе – ут белән эш иткәндә, мичләрне һәм электр җиһазларын файдаланганда саксызлык.
Максим Әскәров белдерүенчә, янгыннарның 80 проценты торак секторда теркәлә. Үлүчеләрнең яртысы исерек хәлдә булган, 29 кеше йоклаган вакытта янгын чыгу сәбәпле һәлак булган.
Кызыклы яңалыкларны күзәтеп бару өчен Телеграм-каналга язылыгыз