Татарстанда быел социаль ипотека буенча 150,6 мең квадрат метр торак тапшырылган
Скопировать ссылку
Татарстанда 2025 ел башыннан «Тормыш өчен инфраструктура» илкүләм проекты кысаларында социаль ипотека буенча 150,6 мең квадрат метр гомуми мәйданлы 20 торак йорт төзелгән һәм файдалануга тапшырылган.
Эшләр Татарстан Республикасы Рәисе каршындагы Дәүләт торак фонды инвестицияләре хисабына башкарылган.
Иң күп яңа торак йортлар Казанда (9) һәм Чаллыда (5) төзелгән. Алар барысы да файдалануга әзер һәм тулысынча инженерлык коммуникацияләре белән җиһазландырылган.
2025 елда барлыгы 161,7 мең квадрат метр гомуми мәйданлы 35 йорт төзү планлаштырыла. Бүгенге көндә план 93 процентка үтәлгән.