Татарстанда быел гөмбә ашап үлүчеләр булмаган
“Соңгы биш елда, агулы гөмбә ашап, өч кешенең гомере өзелде”, - диде Татарстанның баш токсикологы.
Скопировать ссылку
(Казан, 13 сентябрь, “Татар-информ”, Чулпан Шакирова). Ел башыннан Татарстанда гөмбә белән агуланып, үлем-китеп очраклары теркәлмәгән. Бу хакта бүген “Татар-информ”да узган матбугат очрашуында Татарстан Сәламәтлек саклау министрлыгының баш токсикологы Алия Насыйбуллина хәбәр итте.
“Быел агулы гөмбә ашап үлү очраклары теркәлмәде. Әмма соңгы биш ел эчендә өч үлем-китем очрагы билгеле. Тикшеренүләр күрсәткәнчә, үлемгә китергән сәбәп - төссез агулы гөмбә (бледная поганка) токсины”, - диде баш токсиколог.