Авыл 12 гыйнвар 2017 07:07

Татарстанда быел 50 кешене балыкчылык белгеченә укытачаклар

Узган ел да Татарстанның Авыл хуҗалыгы һәм азык-төлек министрлыгы тәкъдиме белән, 25 кеше балыкчылык белгече һөнәрен үзләштергән.

Скопировать ссылку

(Казан, 12 гыйнвар, "Татар-информ"). 2017 елда Татарстанда 50 кешегә аквакультура нигезләрен өйрәтәчәкләр. Татарстанның Авыл хуҗалыгы һәм азык-төлек министрлыгы белән Казан дәүләт энергетика университеты арасында якын арада бу хакта килешү имзаланачак, дип хәбәр итә министрлыкның матбугат хезмәте.

Узган ел да министрлык тәкъдиме белән Татарстанда 25 кеше шулай белем алган. Белгечләр әзерләү белән Казан дәүләт ветеринария медицинасы академиясе галимнәре шөгыльләнгән булган.

Казан дәүләт энергетика университетында “Су биоресурслары һәм аквакультура” юнәлеше буенча 2006 елдан укыталар. Биредә “балыкчылык белгече”, “химик анализ лаборанты” кебек белгечлекләр алып чыгарга мөмкин.

#балыкчылык #балыкчылык белгече #балык #Татарстан Авыл хуҗалыгы һәм азык-төлек министрлыгы

Сәхифәләр

Татарстанда быел 50 кешене балыкчылык белгеченә укытачаклар