Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда быел 39 958 бала 1 нче сыйныфка бара, аларның 11 222се – Казанда
Республика мәктәпләренә 814 яшь укытучы эшкә килә
(Казан, 1 сентябрь, “Татар-информ”). Татарстан Республикасында яңа уку елында 39 958 бала (Казанда – 11 222 бала) беренче сыйныфка укырга керә. 2013 елда исә 36 148 бала (Казанда – 11 101 бала) 1 нче сыйныфка кергән булган.
Быел Татарстанда 159 мәктәпкә (шул исәптән 8 коррекцион мәктәпкә) ремонт ясалган. 2014 ел ахырына кадәр Татарстан мәктәпләренә математика фәне буенча 376 предмет кабинеты кайтартылачак. Белем көнендә укучылар өчен Аксубай, Азнакай, Балтач, Буа, Чүпрәле, Лаеш, Теләче муниципаль районнарында 7 яңа мәктәп ишекләрен ача, моннан тыш, 16 балалар бакчасы ачылачак (шуларның 8е авыл җирлекләрендә урнашкан).
Республика мәктәпләренә 814 яшь укытучы килә (шуларның 482се югары уку йортларын тәмамлаган, 332се – педагогик көллиятне).
ТР Мәгариф һәм фән министрлыгыннан шундый белешмә алынды.
Кызыклы яңалыкларны күзәтеп бару өчен Телеграм-каналга язылыгыз