Татарстанда буран һәм көчле бозлавык көтелә
Синоптиклар көчле җил турында кисәтә, аның тизлеге секундына 17-22 метрга җитәчәк.
Скопировать ссылку
(Казан, 2 февраль, «Татар-информ»). Икесеннән өченче февральгә каршы төндә, шулай ук дүшәмбе көнне Татарстанның кайбер районнарында буран көтелә. Бу хакта ТР Гидрометеорология үзәге матбугат хезмәте хәбәр итә.
Шулай ук синоптиклар юлларда көчле бозлавык һәм көчле көньяк җиле турында кисәтә.
Җил көчәйгәндә секундына 17-22 метрга кадәр җитәргә мөмкин.