news_header_top
16+
news_header_bot
news_top

Татарстанда буран һәм 16 градус салкын булачак

25 ноябрьдә көндез бозлавык һәм көчле җил көтелә.

(Казан, 24 ноябрь, «Татар-информ»). 25 ноябрьдә Татарстанда һава торышы бозыла, буран булачак һәм күз күреме 1-2 километрны тәшкил итәчәк.

Республиканың Гидрометеорология үзәге хәбәр иткәнчә, урыны белән кар явачак, көндез җепшек кар көтелә. Шулай ук көндез көчле бозлавык, секундына 16 метрга кадәр тизлектә көчле җил фаразлана.

Синоптиклар мәгълүматларына караганда, төнлә һава температурасы -7..-12 градуска, ә көнчыгыш районнарда -16 градуска кадәр төшәчәк. Көндез -6..-1 градус салкын көтелә. 

news_right_1
news_right_2
news_bot