news_header_top
16+
news_header_bot
news_top

Татарстанда буран һәм -10 градуска кадәр салкын булуы көтелә

Татарстанда буран һәм -10 градуска кадәр салкын булуы көтелә
Фото: © «Татар-информ», Солтан Исхаков

Бүген Татарстанда төньяк циклон йогынтысында урнашкан салкынча, шул ук вакытта дымлы һәм болытлы һава торышы саклана. Бу хакта ТР Гидрометеоүзәге хәбәр итә.

Төбәкнең барлык территориясендә дә кар явуы фаразлана. Аерым районнарда, шул исәптән Казанда да, бураннар көтелә.

Җил көньяктан һәм көньяк-көнчыгыштан секундына 6–11 метр тизлектә исәчәк. Кайбер урыннарда аның тизлеге секундына 14 метрга кадәр көчәячәк. Юлларда бозлавык саклана.

Көндез Татарстанда - 5..-10 градуска кадәр салкын көтелә (Казанда — 6–8 градуска кадәр).

news_right_1
news_right_2
news_bot