Татарстанда булган авариядә “Жигули” йөртүчесе һәм пассажиры салонда кысылып калган
Каты бәрелешүдән җиңел машина юл кырыена төшеп киткән һәм бик нык янчелгән.
(Казан, 10 декабрь, “Татар-информ”). Татарстанга Марий Эл республикасыннан килгән “Жигули” машинасы фура белән бәрелешкәч. Авария вакытында җиңел машинаның йөртүчесе һәм пассажиры салонда кысылып калган. “Татар-информ”га бу хакта шәхси чыганаклардан билгеле булды.
Башлангыч мәгълүматлар буенча, Һәлакәт бүген көндез сәгать икеләрдә Яшел Үзән районында Грузинский бистәсе тирәсендә килеп чыккан. Юлда җиденче модельле “ Жигули” автомобиле зур йөк машинасы “Фредлайнер” белән бәрелешкән.
Каты бәрелешүдән җиңел машина юл кырыена төшеп киткән һәм бик нык янчелгән.
Агентлыкка шаһитлар хәбәр итүләренчә, “Жигули”е йөртүчесе һәм пассажиры салонда кысылып калган һәм аларга коткаручылар ярдәме кирәк булган.
Җиңел машина йөртүчесен һәм ике пассажирын күпсанлы яралар, бәрелүләр белән хастаханәгә озатканнар.
