Татарстанда бүген яшен, яңгыр һәм боз явуы көтелә, көндез +28 градуска кадәр җылы булачак
Скопировать ссылку
Бүген Татарстанда алмашынучан болытлы һава, көндез һәм кичен яшенле яңгыр явуы көтелә, урыны белән боз явуы ихтимал, дип хәбәр иттеләр ТР Гидрометеоүзәгендә.
Төньяк-көнчыгыштан исүче җил юнәлешен көньяк-көнбатышка үзгәртәчәк, аның тизлеге секундына 4-9 метр, көндез урыны белән 14 метр, яшен вакытында 15-17 метр тәшкил итәчәк.
Төнлә температура +12..+17 градус булды, көндез һава +23..+28 градуска кадәр җылыначак.
Казанда алмашынучан болытлы һава, көндез дә, кичен дә кыска вакытлы яңгыр, урыны белән яшенле яңгыр көтелә. Башкалада максималь температура көндез +26..+28 градус тәшкил итәчәк .