Татарстанда бүген яңгыр, яшен һәм +24 градуска кадәр җылы көтелә
Скопировать ссылку
Сишәмбе, 12 майда, Татарстанда аязучан болытлы һава торышы фаразлана, дип хәбәр итте ТР Гидрометеорология үзәге. Урыны белән уртача яңгыр явачак, көндез аерым районнарда яшен булырга мөмкин.
Җил көньяк-көнчыгыштан секундына 6-11 метр тизлек белән исәчәк, урыны белән 15-17 метрга кадәр көчәячәк. Төнлә һава температурасы +6..+11 градуска кадәр күтәрелде. Көндез исә һава +19..+24 градуска кадәр җылыначак.
Казанда шулай ук аязучан болытлы һава торышы, бераз яңгыр, аерым районнарда яшен көтелә. Җил көньяк-көнчыгыштан секундына 6-11 метр, урыны белән секундына 15 метр тизлек белән исәчәк. Башкалабызда көндез максималь температура +22..+24 градус тәшкил итәчәк.