Татарстанда бүген соңгы көчле салкыннар көтелә
Скопировать ссылку
Сишәмбе, 10 мартта, республикада соңгы көчле салкыннар көтелә, аннан соң сизелерлек җылыну көтелә. Урыны белән бераз кар һәм йомшак буран булуы ихтимал, дип хәбәр итә ТР Гидрометеорология үзәге.
Җил төньяк-көнбатыштан, көньяк-көнбатышка күчеп, секундына 6-11 метр, көндез секундына 14 метрга кадәр булачак. Юлларда бозлавык сакланачак.
Төнлә республикада температура -23...-28 градус иде, урыны белән -29...-34 ка кадәр көчәйде. Иртәнгә температура -15...-20, урыны белән -25 ка кадәр күтәреләчәк. Көндез -6...-11 кадәр, көнчыгыш районнарда -12...-16 кадәр җылына.