Татарстанда бүген кыска вакытлы яңгырлар һәм +20 градуска кадәр җылы булуы көтелә
Скопировать ссылку
Пәнҗешәмбе, 27 августта, республикада алмашынучан болытлы һава, урыны белән кыска вакытлы яңгырлар көтелә. Бу хакта ТР Гидрометеорология үзәге хәбәр итә.
Көнбатыштан һәм төньяк-көнбатыштан исүче җилнең тизлеге секундына 7-12 метр тәшкил итә, көндез урыны белән 14 метрга кадәр көчәя. Төнлә температура +9..+14 градус тәшкил итсә, көндез һава +15..+20 градуска кадәр җылыначак.
Казанда алмашынучан болытлы һава, урыны белән кыска вакытлы яңгыр көтелә. Көндез башкалада +17..+19 градус җылы булачак.