Татарстанда бүген буран һәм бозлавык булачак
Скопировать ссылку
Бүген Татарстанда аязучан болытлы һава көтелә, көндез көнбатыш районнарда кар ява, шулай ук буран көтелә. Бу хакта ТР Гидрометүзәгенең матбугат хезмәте хәбәр итә.
Көньяк-көнчыгыштан җил исәчәк, аның тизлеге секундына 10 метрга җитәчәк, көндез урыны белән секундына 14 метрга кадәр җил көтелә. Термометр баганасы-2дән +2 градуска кадәр күрсәтәчәк.
Машина йөртүчеләрне юлларда урыны белән бозлавык барлыкка килергә мөмкин дип кисәтәләр.