Татарстанда бүген +14 градуска кадәр җылы булачак
Скопировать ссылку
Татарстанда 27 октябрьдә алмашынучан болытлы һава көтелә. Явым-төшем фаразланмый. Җил көньяктан, көньяк-көнчыгыштан исә, аның тизлеге секундына 4-9 метр тәшкил итә, дип хәбәр итә ТР Гидрометеорология үзәге.
Төнлә һаваның минималь температурасы +1..-4 градус булды. Көндез максималь температура +9..+14 градуска кадәр күтәреләчәк.
Казанда көндез шулай ук алмашынучан болытлы һава, явым-төшемсез. Һаваның максималь температурасы +11..+13 градус булачак.