Татарстанда боз, яшен һәм көчле җил көтелү турында кисәттеләр
Скопировать ссылку
15 июньдә Татарстанда һәм Казанда көндез һәм кичен яшен, секундына 15-17 метр тизлектә көчле җил, шулай ук урыны белән боз явуы көтелә. Һава торышы начар булу сәбәпле, Гадәттән тыш хәлләр министрлыгы республика һәм аның башкаласы халкына саклык чаралары турында искәртә.
«Реклама такталары, юл билгеләре, агачлар һәм электр линияләре астына качмаска киңәш итәбез. Балаларны караучысыз калдырмагыз. Өлкән яшьтәге һәм авыру кешеләргә ярдәм итегез. Игътибарлы һәм сак булыгыз! Ашыгыч хезмәтләр телефоны 112», - диелә хәбәрдә.