Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда Бөтенроссия балалар Фольклориадасы башлана
19-23 июнь көннәрендә Татарстанда Бөтенроссия балалар Фольклориадасы узачак. Бу хакта ТР Мәдәният министрлыгы матбугат хезмәте хәбәр итә.
Чара Россиянең 80 төбәгеннән 1000нән артык балалар фольклор, хореографик, халык-җырчы, инструменталь ансамбльләрен берләштерәчәк.
Фольклориаданың төп бурычлары - матди булмаган этномәдәни байлыкны саклау, үсеп килүче буында иске традицияләргә һәм гореф-гадәтләргә хөрмәт һәм горурлык тәрбияләү, балалар һәм яшьләр фольклор хәрәкәтен үстерү.
Масштаблы иҗади акция халыкларның мәдәни үзенчәлекләрен саклап калуга һәм Россия Федерациясенең этник бергәлеген популярлаштыруга, үсеп килүче буынны әхлакый-эстетик тәрбияләү, илдәге балалар һәм яшьләр фольклор хәрәкәтен үстерүгә ярдәм итәргә тиеш.
Ачылу тантанасы 20 июньдә Казанның тарихи үзәгендә, Игенчеләр сараенда узачак.
Бөтенроссия балалар Фольклориадасы - уникаль иҗади проект, «Мәдәният» милли проекты кысаларында Россия Федерациясе Мәдәният министрлыгының финанс ярдәме белән гамәлгә ашырыла.
Кызыклы яңалыкларны күзәтеп бару өчен Телеграм-каналга язылыгыз