news_header_top
Руc Тат
16+
news_header_bot
news_top
Җәмгыять 6 апрель 2025 17:26

Татарстанда борщ җыелмасы яшелчәләре һәм кыяр арзанайды

Скопировать ссылку

Татарстанда 24-31 мартта борщ җыелмасы яшелчәләренең күбесенә һәм кайбер башка продуктларга бәяләр кимеде. Бу Татарстанстат мәгълүматларыннан билгеле булды.

Аерым алганда, ак күчәнле кәбестә 2,25 процентка, ягъни бер килограммы өчен 47,82 сумнан 46,71 сумга кадәр, кишер 0,98 процентка, яки килограммы өчен 40,22 сумнан 39,82 сумга кадәр, ә чөгендер 0,60 процентка, килограммы өчен 49,90 сумнан 49,58 сумга кадәр арзанайган.

Шул ук вакытта борщ җыелмасына кергән бәрәңге 1,42 процентка (килограммы өчен 62,60 сумнан 63,46 сумга кадәр), ә суган 0,72 процентка (килограммы өчен 52,60 сумнан 52,97 сумга кадәр) кыйммәтләнгән.

Кыяр һәм помидор бәясе сизелерлек кимегән – 6,03 процентка (килограммы өчен 184,24 сумнан 173,14 сумга кадәр) һәм 1,46 процентка (килограммы өчен 253,04 сумнан 249,34 сумга кадәр).

Шулай ук ярым ысланган колбаса 2,04 процентка, ягъни килограммы өчен 605,81 сумнан 593,59 сумга кадәр арзанайган.

Моңа кадәр бер атна элек исә Татарстанда борщ җыелмасы яшелчәләре, киресенчә, кыйммәтләнгән иде.

news_right_1
news_right_2
news_bot