Татарстанда Бөек Ватан сугышы ветераннарына 100әр мең сум түләячәкләр
Скопировать ссылку
Татарстанда 2026 елда Бөек Ватан сугышында катнашкан аерым категория гражданнарга бер тапкыр бирелә торган акчалата түләү башкарылачак. ТР Рәисе Рөстәм Миңнехановның тиешле указы республиканың рәсми хокукый мәгълүмат порталында бастырылган.
Түләү 100 мең сум күләмендә билгеләнгән һәм Бөек Ватан сугышы инвалидлары, шулай ук «Ветераннар турында» федераль законда күрсәтелгән затлар арасыннан булган ветераннар өчен билгеләнгән.
Документта билгеләп үтелгәнчә, чара Татарстан Республикасы территориясендә даими яшәүче сугышта катнашучыларга өстәмә социаль ярдәм күрсәтүгә юнәлдерелгән.