Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда биш меңгә якын йорт җылытыла башлады
Татарстанда 1 мең 678 котельный эшли башлады, бу күрсәткеч 53,89 процент тәшкил итә, дип хәбәр итте Татарстанның төзелеш, архитектура һәм торак-коммуналь хуҗалык министры Марат Айзатуллин. Аның сүзләренә караганда, бүгенге көндә 4 мең 999 күп фатирлы йорт җылытыла, бу – торак фондының 28,3 проценты дигән сүз.
Социаль объектларга шулай ук җылылык бирелгән – 2 мең 373 мәгариф объекты җылытыла (72,2 процент), шул исәптән 1 мең 46 мәктәп (ягъни гомуми санның 67,09 проценты), 1 мең 327 балалар бакчасы (ягъни гомуми санның 76,84 проценты), дип хәбәр итте Айзатуллин Татарстанның Министрлар Кабинетында узган киңәшмәдә.
«Бүгенгә 41 муниципаль берәмлектә ягулык чоры башлану турында карар кабул ителде», – дип өстәде ул.
Шулай ук социаль объектлар арасында 1 мең 189 сәламәтлек саклау объекты – гомуми санның якынча 59 проценты, 814 мәдәният учреждениесе, 131 спорт һәм яшьләр объекты, 95 социаль яклау объектына җылылык җибәрелде, дип хәбәр итә ТР Президенты матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз