Татарстанда «Безнең заман» фестивалендә катнашу өчен гаризалар кабул ителә башлады
«Наше время – Безнең заман» XIV еллык эшләүче яшьләр иҗаты ачык республика телевизион фестивалендә катнашу өчен гаризалар кабул ителә башланды. Гаризалар 2026 елның 2 октябренә кадәр кабул ителәчәк, дип хәбәр итә фестивальнең оештыру комитеты.
Быел фестиваль Хәрби һәм хезмәт даны елына багышлана.
Катнашу өчен Татарстан предприятиеләре, учреждениеләре һәм оешмаларында эшләүче 18 яшьтән 35 яшькә кадәрге кешеләр чакырыла. Хезмәткәрләр ялгыз команда номерлары белән чыгыш ясый ала.
Сайлап алу этаплары республиканың өч шәһәрендә узачак: Чаллыда (16 – 17 октябрь), Әлмәттә (23 – 24 октябрь); Яшел Үзәндә (6 – 7 ноябрь).
Иҗади ярыш түбәндәге номинацияләрдә үтәчәк:
«Музыкаль юнәлеш»;
«Бию юнәлеше»;
«Дан минуты».
Зона турларының лауреатлары һәм җиңүчеләре 13 – 14 ноябрьдә Казанда фестивальнең финалында катнашачак.
16 ноябрьдә «Пирамида»да гала-концерт узачак.