Җәмгыять 11 июнь 2017 10:46

Татарстанда “Без бергәләп хоспис төзибез” марафоны старт ала

Марафон 12 июньнән 30 августка кадәр хосписның икенче чираты төзелешенә ярдәм йөзеннән үтә.

Скопировать ссылку

(Казан, 11 июнь, “Татар-информ”). Татарстанда 12 июньдә “Без бергәләп хоспис төзибез” хәйрия марафоны старт ала. Анда зурлар өчен 100 урынлык хоспис төзелешенә акча җыелачак, дип җиткерә Казан хосписы матбугат сәркатибе.

“Зурлар өчен 18 урынлык хоспис бүлеге ачылганнан соң ук, бу урыннарның аз икәнлеген аңладык. Биредә яхшы тәрбия, кайгыртучанлык күреп, хәзер стационарга зур чират тезелде. Без хосписны киңәйтергә дигән карарга килдек”, – дип сөйли Анжела Вавилова исемендәге фонд идарәсе рәисе Владимир Вавилов.

Марафон кысаларында хәйрия ярминкәләре, концертлар, җәмәгать акцияләре, флешмоблар узачак. “Без бергәләп хоспис төзибез” марафоны 30 августта, Республика көнендә төгәлләнәчәк, ул гала-концерт белән ачык һавада узачак. Барлык артистлар бу көнне түләсез эшләячәк, керү ирекле булачак.

#хоспис #хәйрия

Сәхифәләр

Татарстанда “Без бергәләп хоспис төзибез” марафоны старт ала