news_header_top_970_100
news_header_bot_970_100

Татарстанда +14 градуска кадәр салкынайтачак

Алдагы көннәрдә Татарстанда һава торышының үзгәрүе көтелә. Сишәмбедән үк республикада төньяк антициклон йогынтысында шактый суыта, ә яңгырлар яву ихтималы кимиячәк. Бу хакта ТР Гидрометеорология үзәге хәбәр итә.

28 июньгә каршы төндә урыны белән яшенле яңгырлар явачак, ә һава торышы көндез үзгәрә башлаячак. Шулай итеп, җил төньяктан искәнлектән көндезге температура төнгегә якын булачак: 8-13 градус. Ә көндез 14-19 градус җылы була.

Чәршәмбе көнне тагын салкын һава торышы көтелә: төнлә 4-9 һәм көндез 14-19 градуска кадәр җылы була. Явым-төшем көтелми.

Июньнең соңгы көнендә һава торышы кабат үзгәрәчәк. Төнлә температура 4тән 9 градуска кадәр булса, көндез 17дән 22 градуска кадәр җылыта. Җил секундына 17 метрга кадәр фаразлана, кыска вакытлы яңгыр һәм яшен көтелә.

Алдан фаразланганча, 1 июльдә Татарстанга яңгырлы һава торышы кайтачак, ә температура 14-19 градуска кадәр төшәчәк. Шимбә көнне явым-төшемнәр туктала һәм республикада җылыта — көндез 19-23 градуска кадәр җылы була.

news_right_column_1_240_400
news_right_column_2_240_400
news_bot_970_100