Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда беренче төркем инвалидлар саны арта, өченче төркем инвалидлык кими
Инвалидлыкка китерә торган беренче сәбәп – онкология авырулары.
(Казан, 30 ноябрь, “Татар-информ”, Чулпан Шакирова). Татарстанда беренче төркем инвалидлыкка тәкъдим ителгән инвалидлар саны арта. Бу хакта “Татар-информ” уздырган матбугат очрашуында Татарстан Республикасы социаль-медицина экспертизасы баш бюросы җитәкчесе Ригель Низамов әйтте.
“Беренче төркем инвалидлыкка тәкъдим ителгән кешеләр саны арта, ә өченче төркем инвалидлар кими. Шулай ук эшкә яраклы яшьтәге инвалидлар саны да кими бара”, –диде җитәкче.
Ул шулай ук инвалидлыкка китергән авырулар турында да әйтеп узды. 2016 елда беренче урынга онкология авырулары чыккан.
“Элек бу авыру хәтта лидерлар өчлегенә дә керми иде. Ә соңгы 2-3 елда, яман шеш авыруларына дучар булып, инвалидлыкка чыгучылар саны зур тизлектә үсә”, – диде Ригель Низамов.
Аның сүзләренчә, инвалидлык бирелә торган авыруларның икенче урынын кан авырулары алып тора. Өченче баскычта психик авырулар. Белгеч сүзләренчә, бу авыру да берничә ел элек лидерлар рәтендә булмаган.
Инвалидлыкка чыгу буенча иң еш очрый торган авырулар арасында беренче урынны элек кан һәм кан әйләнеше, икенче урынны – сөяк-мускул җәрәхәтләре алып торган.
Ригель Низамов сүзләренчә, соңгы 2-3 елда 18 яшькәчә балалар психик авырулар белән инвалидлыкка чыга. Икенче урында – нерв системасы, өченчедә – молекуляр хромосома бозылу авырулары.
“Элек хромосома үзгәрешләре авырулары беренче урында тора иде. Бәхеткә, балаларны кече яшьтән дәвалау нәтиҗәсендә, әлеге авыру ихтималлыгы берникадәр чигенде”, – диде Низамов.
Кызыклы яңалыкларны күзәтеп бару өчен Телеграм-каналга язылыгыз