news_header_top_970_100
16+
news_header_bot_970_100

Татарстанда беренчел звено медицина учреждениеләрен модернизацияләү дәвам итә

2025 елда Татарстанда беренчел медицина ярдәме учреждениеләрен яңарту буенча чараларны гамәлгә ашыру дәвам итә. Бу хакта Татарстан Финанс министрлыгы матбугат хезмәте хәбәр итә.

Эш «Дәвамлы һәм актив тормыш» илкүләм проекты составына керә торган «Россия Федерациясе Сәламәтлек саклауның беренчел звеносын модернизацияләү» федераль проекты кысаларында алып барыла.

Бу максатларга 2025 елга республика бюджетында 3 млрд сумнан артык акча каралган. Аларның 2,4 млрд сумга якыны федераль бюджеттан, калган өлеше – төбәк бюджетыннан.

Бүлеп бирелгән акчалар беренчел звено медицина учреждениеләрен капиталь төзелешкә һәм ремонтлауга юнәлдереләчәк, бу төбәк халкы өчен медицина ярдәменнән файдалану мөмкинлеген һәм сыйфатын арттырырга мөмкинлек бирәчәк.

autoscroll_news_right_240_400_1
autoscroll_news_right_240_400_2
news_bot_970_100