Сәясәт 15 февраль 2017 15:29

Татарстанда “Бердәм Россия”нең беренчел оешмалар саны бер меңгә артачак

Беренчел оешмалар аша партиянең һәрбер әгзасына барып җитәргә тырышырга, аларга якынрак булырга кирәк - Фәрит Мөхәммәтшин.

Скопировать ссылку

(Казан, 15 февраль, «Татар-информ», Айгөл Мотыйгуллина). Татарстанда “Бердәм Россия” партиясенең беренчел оешмалары санын арттырачаклар. Хәзер республикада шундый 1638 оешма үз эшчәнлеген алып бара. Киләсе айларда аларның саны тагын 1 меңгә артачак. Бу хакта “Бердәм Россия” партиясенең региональ бүлекчәсе сәяси советы утырышында Татарстан Республикасы Дәүләт Советы Рәисе Фәрит Мөхәммәтшин хәбәр итте.

“Дмитрий Анатольевич Медведев үзенең чыгышында дәүләттәге сайлау участоклары санына туры килә торган беренчел тармаклар булдыру бурычын куйды, - дип искәртте Мөхәммәтшин. - Без моның белән 2016 елда шөгыльләнә башладык. Киләсе айларда бу эш тәмамланачак. Беренчел оешмалар аша партиянең һәрбер әгзасына барып җитәргә тырышырга, аларга якынрак булырга кирәк. Миңа калса, бу без блдыра ала торган бурыч”.

#Фәрит Мөхәммәтшин #Бердәм Россия

Сәхифәләр

Татарстанда “Бердәм Россия”нең беренчел оешмалар саны бер меңгә артачак