news_header_top
16+
news_header_bot
news_top

Татарстанда бераз суыта

Төнлә 15 градуска кадәр салкын көтелә

(Казан, 25 декабрь, «Татар-информ»). Татарстан синоптиклары фаразына караганда, иртәгә республикада аязучан болыты һава, күпчелек районнарда кар, урыны белән буран булырга мөмкин. Юлларда бозлавык һәм кар көртләре.

Алдагы төндә Татарстанда 10-15 градуска кадәр, көндез 7-12 градус салкын. Республиканың төньяк һәм көньяк районнарында - иң җылысы, көньяк-көнбатышта иң  салкыны булачак.

Төнлә Казанда 13 градуска кадәр суык көтелә, көндез - 9-12 градус салкын. Аязучан болытлы һава, бераз кар яварга мөмкин.

27 декабрьгә каршы төндә болытлы һава сакланачак. 15-20 градуска кадәр салкын булыр дип фаразлана. Юлларда  - бозлавык, дип хәбәр итә ТР Гидрометеорология һәм әйләнә-тирә мохит мониторингы үзәге.  

news_right_1
news_right_2
news_bot