Татарстанда бераз кар явачак һәм -15 градуска кадәр салкын була
Скопировать ссылку
Бүген Татарстанда аязучан болытлы һава көтелә. ТР Гидрометеоүзәге мәгълүматлары буенча, урыны белән бераз кар явуы ихтимал.
Җил көнбатыштан, көньяк-көнбатыштан – төнлә секундына 4-9 метр, көндез 6-11 метр тизлек белән исә, урыны белән 15 метрга кадәр көчәя.
Көндез -10...-15 градус салкын булачак.
Юлларда бозлавык саклана, машина йөртүчеләргә һәм җәяүлеләргә сак булырга киңәш ителә.