Татарстанда бераз кар һәм -7 градуска кадәр салкын көтелә
Скопировать ссылку
Бүген, 26 гыйнварда, Татарстанда алмашынучан болытлы һава торышы саклана. Бу хакта ТР Гидрометеоүзәге хәбәр итә.
Урыны белән, шул исәптән Казанда да, бераз кар явачак. Көньяк һәм көньяк-көнчыгыштан исүче җилнең тизлеге 6-11 метр тәшкил итәчәк. Юлларда бозлавык.
-20 градуска җиткән төнге салкыннан соң, көндез термометр баганалары -7..-12 градуска кадәр күтәреләчәк (ТР башкаласында -7.. -9 градуска кадәр).
Метеорологлар мәгълүматлары буенча, аз явым-төшемле уртача салкын һава торышы Татарстанда ким дигәндә атна ахырына кадәр сакланачак.