Татарстанда бераз кар һәм -14 градуска кадәр салкын булуы көтелә
Скопировать ссылку
Бүген Татарстанда алмашынучан болытлы һава торышы көтелә, урыны белән бераз кар явачак. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Төнлә һава температурасы -20 градуска кадәр (көнчыгыш районнарда аязган вакытта -24 градуска кадәр) түбәнәйгәннән соң көндез термометрның терекөмеш баганасы -14..-9 градусны күрсәтәчәк. Көньяктан искән җил көньяк-көнчыгышка күчә, аның тизлеге секундына 5-10 метр тәшкил итә.
Татарстанлыларны юлларда бозлавык барлыкка килүе хакында кисәтәләр.