news_header_top_970_100
16+
news_header_bot_970_100

Татарстанда бер тәүлек эчендә коронавирусның 142 яңа очрагы теркәлгән

Татарстанда бер тәүлек эчендә коронавирус инфекциясенең 142 яңа очрагы теркәлгән – бу алдагы көн белән чагыштырганда бишкә азрак. Стопкоронавирус.рф сайтында урнаштырылган мәгълүматлар шуны раслый.

Шул ук вакытта, хастаханәгә озатылган пациентлар саны югары булып кала: сырхауханәләргә 71 кеше (моннан алдагы көнне – 65) китерелгән.

2022 елның 26 маена булган мәгълүматлар буенча, пандемия башланганнан алып республикада коронавирус инфекциясенең 149 440 очрагы расланган, 144 570 кеше (шуларның 196сы – узган тәүлектә) терелгән.

Узган тәүлектә республикада коронавирустан бер үлем-китем очрагы да теркәлмәгән. Шул рәвешле, бүгенгә Татарстанда коронавирус корбаннарының гомуми саны 1995 кеше тәшкил итә.

autoscroll_news_right_240_400_1
autoscroll_news_right_240_400_2
news_bot_970_100