Җәмгыять 22 май 2007 17:33

Татарстанда бер тәүлек эчендә килеп чыккан юл һәлакәтләрендә ике кеше үлгән

Скопировать ссылку

(Казан, 22 май, “Татар-информ”, Наталья Рыбакова). Майның 21 көне эчендә Татарстан юлларында 340 юл-транспорт һәлакәте килеп чыккан. Аварияләр нәтиҗәсендә 34 кеше үлгән, 449ы төрле тән җәрәхәтләре алган. Узган тәүлектә республикада теркәлгән юл һәлакәтләрендә ике кешенең гомере өзелгән.

“Татар-информ” агентлыгы хәбәрчесенә бүген ТР юл хәрәкәте иминлеге дәүләт инспекциясеннән хәбәр итүләренчә, фаҗигале хәлләр Тукай һәм Чистай районнарында килеп чыккан.

Тукай районында 21 май көнне 13 сәгать 30 минутта Мәскәү – Уфа юлының 1065нче чакрымында “Тойота Авенсис” автомобиленең шоферы тизлеген арттыра һәм “иномарка”сы Германия кешесе идарә иткән “Рено Премиум” машинасына килеп бәрелә. Авария нәтиҗәсендә “Тойота” автомобиленең 1972 елгы пассажиры алган җәрәхәтләрдән “ашыгыч ярдәм” хастаханәсендә якты дөнья белән хушлаша. Моннан тыш, юл һәлакәтендә 6 яшьлек кыз да җитди зыян күрә. Ул хәзерге вакытта хастаханәдә дәвалана.

Икенче фаҗигале хәл республиканың Чистай районында кичә Чистай – Чатырчы юлының өченче чакрымында көндезге дүрттә теркәлә. “Форд-Фьюжин” автомобиленең шоферы тизлеген арттыра, нәтиҗәдә аның машинасы “КАМАЗ” автомобиле белән бәрелешә. “Иномарка” шоферы алган җәрәхәтләрдән үзәк район хастаханәсендә җан бирә.

Сәхифәләр

Татарстанда бер тәүлек эчендә килеп чыккан юл һәлакәтләрендә ике кеше үлгән