Җәмгыять 6 октябрь 2018 09:51

Татарстанда бер елда педагогларга ихтыяҗ арткан

Сентябрьдә республикада тәрбияче һәм укытучы вакансияләре 15 процентка арткан.

Скопировать ссылку

(Казан, 6 октябрь, «Татар-информ»). Узган ел белән чагыштырганда, Татарстанның хезмәт базарында педагогларга ихтыяҗ арткан. Шулай итеп, HeadHunter сайтында вакансияләр саны күбәйгән.

Еш кына педагогларны 35 проценттан артык тәкъдим туры килгән мәгариф учреждениеләре эзли. Еш кына укытучы хезмәтләренә IT-компанияләр һәм бизнес хезмәте күрсәтүче фирмалар ихтыяҗ кичерә. Сентябрьдә республикада тәрбияче һәм укытучы вакансияләре 15 процентка арткан, дип билгеләп үтә HeadHunter сайтының Казан филиалы Альбина Солтанова.

Бигрәк тә педагог-лингвистларга (18 процент) һәм гуманитар фәннәр укытучыларына (16 процент) ихтыяҗ зур. Математика (13 процент), инженер фәннәре (10 процент) һәм информатика (9 процент) белгечләренә ихтыяҗ бераз азрак.

Эш тәкъдим итүчеләрнең 43 проценты 1 елдан алып 3 елга кадәр эш тәҗрибәсе көтә, әмма 40 проценты белгечләрне тәҗрибәсез эшкә алырга әзер. 24 процент эш өлешчә мәшгульлек сорый, 20 процент – ирекле эш графигы, 13 – өйдән эшләү. Шул ук вакытта 6 процент инвалидлар өчен вакансия тәкъдим итә.

Педагоглар арасында яңа эшкә дәгъва итүчеләрнең күпчелегенә 26-35 яшь. Аларның 81 проценты хатын-кыз һәм бары тик 19 проценты гына ир-атлар. Бары тик 8 процент кандидат кына бу өлкәдә югары белемгә ия түгел.

Эш тәкъдим итүчеләрнең 65 проценты педагог вазифасына дәгъва итүчеләргә 15 мең сум оклад тәкъдим итә. Ә 35 проценты 30 мең сумнан артык түләргә әзер. Төбәк буенча тәкъдим ителгән уртача хезмәт хакы 38 мең 250 сум.

#Headhunter #укытучы

Сәхифәләр

Татарстанда бер елда педагогларга ихтыяҗ арткан