Татарстанда бер ел эчендә реаль хезмәт хакы 11,6 процентка арткан
Скопировать ссылку
2024 елның гыйнвар-сентябрендә реаль хезмәт хакы узган елның шул чорына карата 11,6 процентка арткан. Шул ук вакытта, көзнең беренче ае нәтиҗәләре буенча күрсәткечләр 2023 елның сентябре дәрәҗәсеннән 14,6 процентка узып киткән. Татарстанстатның «Татарстанда социаль-икътисади хәл» докладында шулай диелә.
Гыйнвар-сентябрьдә предприятие һәм оешмаларда, шул исәптән кече эшкуарлыкта бер хезмәткәрнең номиналь уртача хезмәт хакы 77 449 сум 80 тиен тәшкил иткән. Бу 2023 елның шул чорындагы суммадан 20,7 процентка артык. Ә сентябрь нәтиҗәләре буенча хезмәт хакы алдагы 12 айга караганда 24,6 процентка югарырак булган.