Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда бер атнада ярма, шикәр һәм каймак кыйммәтләнде
8 апрельдән 14 апрельгә кадәр бер атна эчендә Татарстанда дөге һәм бодай кыйммәтләнгән. Бу ярмаларның килограммы 104,57 һәм 42,62 сум тора башлаган. Бәяләр 1,11 һәм 1,48 процентка арткан. Бу хакта Татарстанстат статистикасы мәгълүматлары хәбәр итә.
Бу вакыт эчендә җимеш-яшелчә продукциясеннән чөгендер бәясе +3,57 процентка, 48,66 сумга кадәр, кишер бәясе +1,68 процентка, 42,22 сумга кадәр арткан Банан һәм бәрәңге бәясе 1 процент чикләрендә үзгәргән. Алма, помидор, кыяр, ак кәбестә бәясе, киресенчә, кимегән. Суган 3,24 процентка, 35,51 сумга кадәр арзанайган.
Башка азык-төлек товарлары арасыннан шикәр комы бәясе 1,84 процентка (килограммы 68,62 сум), каймак бәясе 1,17 процентка (212,36 сум), ак май бәясе 1,53 процентка (702,23 сум), пешерелгән колбаса бәясе 1,16 процентка (427,64 сум) арткан.
18,55 сумга, яки 1,76 процентка балалар туклануы өчен ит консервалары арзанайган. Дуңгыз ите, тавык ите (бот итеннән кала), ярымысланган колбаса, көнбагыш мае, эремчек һәм башка продуктларга бәяләр аз гына кимегән.
Кызыклы яңалыкларны күзәтеп бару өчен Телеграм-каналга язылыгыз