Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда бавырны һәм йөрәкне күчереп утырту операцияләре ясалачак
2010 елның ахырында Татарстанда бавырны һәм йөрәкне күчереп утырту буенча беренче операцияләр ясалачак дип көтелә
(Казан, 30 сентябрь, “Татар-информ”). 2010 елның ахырында Татарстанда бавырны һәм йөрәкне күчереп утырту буенча беренче операцияләр ясалачак дип көтелә. Бу турыда кичә ТР Сәламәтлек саклау министрлыгында республикада трансплантологияне үстерү мәсьәләләренә багышланган утырышта әйтелде.
ТР Сәламәтлек саклау министрлыгының рәсми сайты хәбәр иткәнчә, киңәшмәдә сәламәтлек саклау өлкәсенең алдынгы белгечләре – кардиохирурглар, трансплантологлар, реаниматологлар, урологлар катнашты. Министр тарафыннан Республика клиник хастаханәсендә - бавырны, ә Төбәкара клиника-диагностика үзәгендә йөрәкне күчереп утырту эшен җәелдерү бурычын куйды. Шулай ук Айрат Фәррахов Республика клиник хастаханәсендә бөерне күчереп утырту эшен үстерү кирәклеген дә ассызыклады.
«Безнең медицина өчен бу юнәлешләрне үстерү аеруча мөһим. Күп кенә авырулар ярдәмебезгә бүген мохтаҗ. Әлеге проектны тормышка ашыру өчен бездә кадрлар һәм техник мөмкинлекләр җитәрлек”, - диде Айрат Фәррахов.
Кызыклы яңалыкларны күзәтеп бару өчен Телеграм-каналга язылыгыз