Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда башкарма комитет башлыгы автомобиль үзләштерүдә шикләнелә
Авыл җирлеге башлыгына «Үзләштерү» маддәсе буенча җинаять эше кузгатылган.
(Казан, 13 апрель, «Татар-информ», Полина Шевчук). Татарстанда башкарма комитет башлыгын внедорожникны металлоломга «озатып», үзендә калдыруда шикләнәләр. Бу хакта «Татар-информ»га Татарстан Эчке эшләр министрлыгының матбугат хезмәтендә сөйләделәр.
Татарстан Эчке эшләр министрлыгының Икътисади куркынычсызлык һәм коррупциягә каршы көрәш идарәсе хезмәткәрләре узган елның октябрендә Базарлы Матак авыл җирлеге башкарма комитетының 53 яшьлек җитәкчесе баланстан «Мицубиси Паджеро» автомобилен чыгаруын ачыклаган. Шуннан соң ул ЮХИДИ бүлегенә утильләштерү турында ялган таныклык биреп, автомобильне исәптән төшергән. Чынлыкта исә ир-ат внедорожникны үзләштергән.
Татарстан Эчке эшләр министрлыгының Икътисади җинаятьләргә каршы көрәш идарәсе оператив хезмәткәрләре тикшерүчеләр белән бергә ир-атның гамәлләреннән килгән зыянның 100 мең сумнан артып китүен ачыклаган.
«Элегрәк ир-атка карата, моңа нигезе булмаган гражданнарга, законсыз фатир бирү факты буенча җинаять эшләре кузгатылган иде», - дип сөйләде агентлыкка Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий.
Башкарма комитет башлыгына «Үзләштерү» маддәсе буенча җинаять эше кузгатылган. Тикшерү барышында ир-ат торак пункттан чыгып китмәү турында имза салган.
Кызыклы яңалыкларны күзәтеп бару өчен Телеграм-каналга язылыгыз