Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда барлык фәннәр буенча БДИның уртача баллары гомумроссиянекеннән югарырак
Татарстанда барлык фәннәр буенча БДИның уртача баллары гомумроссиянекеннән югарырак, ә әдәбият һәм химия буенча алар сигез баллга күбрәк. Бу хакта ТР Хөкүмәте Йортында узган брифингта ТР Мәгариф һәм фән министры Илсур Һадиуллин хәбәр итте.
«Ил буенча уртача күрсәткечләр белән чагыштырганда, уртача балларның артуын гына түгел, ә аларның 2025 елда профильле математика буенча уртача республика күрсәткечләренә карата үсешен дә билгеләп үтәбез – 2,78, физика буенча – 7,78, информатика буенча – 3,5, биология буенча – 1,3», – дип сөйләде ул.
Мәгариф һәм фән министрлыгы башлыгы билгеләп үткәнчә, Татарстан укучыларында профильле математика, физика, әдәбият һәм чит телләр буенча максималь баллар 70тән югары, ә минималь баллар – география һәм җәмгыять белеме буенча.
Һадиуллин ассызыклаганча, узган ел белән чагыштырганда, химиядән тыш, табигать фәннәре циклы предметлары буенча уртача республика баллының артуы күзәтелә.
Аның сүзләренчә, республиканың аерым районнары БДИ нәтиҗәләре буенча соңгы ике ел дәвамында лидерлык позицияләрен саклыйлар. Ә Арча районы барлык табигый-фәнни дисциплиналар буенча лидерлык зонасына эләкте, диде министр.
Кызыклы яңалыкларны күзәтеп бару өчен Телеграм-каналга язылыгыз