Авыл 10 август 2018 07:16

Татарстанда барлык чәчүлек мәйданының 30 проценттан артыгы суктырылган

Суктыру һәм уңдырышлылык буенча алдынгылар рәтендә Зәй, Сарман, Тәтеш, Әлки, Нурлат районнары.

Скопировать ссылку

(Казан, 10 август, "Татар-информ"). Оператив белешмәләр буенча, кичәге көнгә, 9 августка, Татарстанда быелгы уңыш ашлыгы 478,3 мең га мәйданда җыелган, бу барлык чәчүлек мәйданының 32,2 %ын тәшкил итә. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итте.

Бөртекле һәм кузаклы культураларның иң күп мәйданы Буа (23,2 мең га), Чистай (22,7 мең га), Алексеевск (21,1 мең га), Сарман (20,2 мең га) һәм Тәтеш (19,6 мең га) районнарында суктырылган.

Республика буенча 1366,5 мең тонна ашлыкы җыелган, шул исәптән 930,5 мең тонна көзге бодай, 239,7 мең тонна көзге арыш, 143,9 мең тонна арпа. Республика игенчеләре шулай ук борчак та җыялар. Бүгенгә 23,3 мең га мәйданда 37,8 мең тонна борчак җыелган.

Суктыру һәм уңдырышлылык буенча алдынгылар рәтендә Зәй (67,1 мең тонна, уртача уңыш – 40,5 ц/га), Сарман (75,2 мең тонна, уртача уңыш – 37,3 ц/га), Тәтеш (67,1 мең тонна, уртача уңыш – 34,3 ц/га), Әлки (59,4 мең тонна, уртача уңыш – 32,1ц/га), Нурлат (58, 3 мең тонна, уртача уңыш – 35,4 ц/га) районнары.

#урып-җыю #уңыш

Сәхифәләр

Татарстанда барлык чәчүлек мәйданының 30 проценттан артыгы суктырылган