Татарстанда банк карталары белән бәйле алдау очраклары арткан
Мошенникларга карта мәгълүматларын, пин–кодны әйтүчеләр арасында яшьләр күп, ди Эчке эшләр министрлыгы хезмәткәре.
(Казан, 11 декабрь, "Татар-информ", Ләйлә Хәкимова). Эчке эшләр министрлыгы банк карталары белән бәйле булган мошенниклыкның артуын искәртә. Мошенникларга карта мәгълүматларын, пин–кодны әйтүчеләр арасында яшьләр күп. Бу хакта "Татар-информ"да узган матбугат конференциясендә Россия Эчке эшләр министрлыгының Казан шәһәре буенча идарәсендә җинаятьчеләрне эзләү бүлеге хезмәткәре Раил Куряков.
"Мошенниклар халыкка банк карталары блокировкалануы турындагы смс-хәбәр җибәрә. Бу мәсьәләне хәл итү өчен үзен банк хезмәткәре буларак таныштыра һәм түләү картасының реквизитларын сорый. Нәтиҗәдә карта хуҗасы акчаларын күчерә яки мошенник өчен мобиль банк тоташтыра", - диде ул.
Татарстанда банк картасыннан акча урлауның 530 очрагы теркәлгән. Мошенникларга карта мәгълүматларын, пин–кодны әйтүчеләр арасында яшьләр күп.
Раил Куряков банк картасы турында мәгълүматны башкаларга хәбәр итмәскә киңәш итә.