Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда авыллардагы 2,3 мең почта хезмәткәре өстәмә түләүләр алган
Татарстанда авыллардагы почта бүлекчәләренең 2,3 мең хезмәткәре өстәмә түләүләр алган. Почта хезмәткәрләренә матди ярдәмгә республика бюджетыннан 55,3 млн сум акча бүлеп бирелгән. Акча бүлеп бирү турындагы карарны элегрәк Татарстан Рәисе Рөстәм Миңнеханов раслаган иде, дип хәбәр итә Татарстан Республикасы Дәүләт идарәсен цифрлы үстерү, мәгълүмати технологияләр һәм элемтә министрлыгы матбугат хезмәте.
Хәзер республикада 1,1 меңнән артык почта бүлекчәсе эшли, шуларның 850се авылларда урнашкан.
Татарстан Республикасы Дәүләт идарәсен цифрлы үстерү, мәгълүмати технологияләр һәм элемтә министры Илья Начвин хәбәр иткәнчә, республикада авыллардагы хат ташучыларга ярдәм итү өчен субсидияләр өченче ел рәттән бүлеп бирелә. Аның сүзләренә караганда, түләүләр хезмәткәрләргә уңайлырак хезмәт шартлары тәэмин итүгә юнәлдерелгән.
Шул ук вакытта Татарстанда почта бүлекчәләрен модернизацияләү дәвам итә. Быел 215 объект яңартыла – алдагы өч ел белән чагыштырганда ике тапкырга күбрәк.
Яңалыкларны күзәтеп бару өчен Макс-каналга язылыгыз