Авыл 13 июль 2018 08:52

Татарстанда авыл хуҗалыгы кулланучылар кооперациясен үстерү буенча конкурс игълан ителде

Скопировать ссылку

(Казан, 13 июль, "Татар-информ"). Татарстан Республикасы Авыл хуҗалыгы һәм азык-төлек министрлыгы Авыл хуҗалыгы кулланучылар кооперациясен үстерү программасы буенча өстәмә конкурс игълан итә. Бу турыда министрлыкның матбугат хезмәте хәбәр итте.

Татарстан Республикасы Авыл хуҗалыгы һәм азык-төлек министрлыгы "2017-2020 елларга Татарстан Республикасында Авыл хуҗалыгы кулланучылар кооперациясен үстерү" программасы буенча матди-техник базаны үстерүгә грантлар бирә. Моның өчен министрлык авыл хуҗалыгы кулланучылар кооперативларын сайлап алуга өстәмә конкурс башлану турында игълан итә.

Гаризалар һәм документлар Татарстан Республикасы Авыл хуҗалыгы һәм азык-төлек министрлыгында 11 июльдән 9 августка кадәр кабул ителә.

Тапшыру өчен адрес: Татарстан Республикасы, Казан шәһәре, Федосеев ур., 36 йорт, 3 нче кат, каб. 309. Кабул итү эш көннәрендә 9 сәгатьтән 16 сәгатькә кадәр башкарыла.

#грант #фермер

Сәхифәләр

Татарстанда авыл хуҗалыгы кулланучылар кооперациясен үстерү буенча конкурс игълан ителде