Авыл 26 октябрь 2009 16:33

Татарстанда авыл хуҗалыгы кулланучылар кооперативлары Ревизия берлеге оешты

“Агроревсоюз” вәкилләре ревизия эшчәнлеге белән шөгыльләнәчәк һәм авыл хуҗалыгы кулланучылар кооперативларына консультация бирәчәк

Скопировать ссылку

(Казан, 26 октябрь, “Татар–информ”, Ирина Игнатьева). Татарстанда “Агроревсоюз” авыл хуҗалыгы кулланучылар кооперативлары Ревизия берлеге оешты. Аның вәкилләре ревизия эшчәнлеге белән шөгыльләнәчәк һәм авыл хуҗалыгы кулланучылар кооперативларына консультация бирәчәк. Бу хакта “Татар–информ” агентлыгына ТР “Агрокредитсоюз” Кредит кулланучылар кооперативлары берлеге башкаручы директоры Гөлфирә Ризаева хәбәр итте.
“Агроревсоюз” “Авыл хуҗалыгы кооперациясе турында”гы федераль закон нигезендә төзелгән. “Агроревсоюз” составына авыл хуҗалыгы кулланучылар кооперативлары вәкилләре керәчәк, алар ревизия эшчәнлеге белән шөгыльләнәчәк һәм бухгалтерлык исәбен алып бару, норматив документлар әзерләү, Россия Федерациясенең яңа закон чыгару актларын куллануга кагылышлы мәсьәләләр буенча авыл хуҗалыгы кулланучылар кооперативларына консультация бирәчәк. Моннан тыш, “Агроревсоюз” алдында кооператив әгъзаларының мәнфәгатьләрен яклау бурычы да тора.

Сәхифәләр

Татарстанда авыл хуҗалыгы кулланучылар кооперативлары Ревизия берлеге оешты