Җәмгыять 9 август 2018 13:17

Татарстанда автомобиль транспорты урлау саны ике тапкырга кимегән

"Барлык урланган транспорт чаралары табылды һәм хуҗаларына кайтарылды”, - диде полиция подполковнигы Җәвит Гасанов.

Скопировать ссылку

(Казан, 9 август, “Татар-информ”, Динә Йосыпова). Татарстанда автомобиль транспорты урлау саны ике тапкырга кимегән. Узган ел 114 факт булса, быел 62 факт теркәлгән. Бүген бу хакта Татарстан Республикасы буенча Эчке эшләр министрлыгында узган матбугат чарасында билгеле булды.

Татарстан Республикасы буенча Эчке эшләр министрлыгының җинаятьчеләрне эзләү идарәсенең автомототранспорт урлап китү һәм урлау эшләре бүлеге башлыгы, полиция подполковнигы Җәвит Гасанов әлеге өлкәдәге җинаятьләр хакында сөйләде.

“2018 елның 7 аендагы нәтиҗәләре буенча автомототранспорт урлап китү буенча оператив хәл күзәтү астында. Быел 7 ай эчендә 248 урлап китү факты теркәлгән. Әлеге җинаять төренең чишелеше 91% тәшкил итә. Барлык урланган транспорт чаралары табылды һәм хуҗаларына кайтарылды”, - диде полиция подполковнигы.

Җәвит Гасанов сүзләренчә, быел җинаятьчеләр 20 мотоцикл һәм гидроцикл, 42 автомобиль урлап киткән.

#урлау #автомобиль #эчке эшләр министрлыгы #урлап китү #җинаять эше #җәвит гасанов

Сәхифәләр

Татарстанда автомобиль транспорты урлау саны ике тапкырга кимегән