Җәмгыять 3 июль 2019 14:31

Татарстанда автобуста пассажирлар йөртүгә 8 мең лицензиянең 545е тапшырылган

29 июньнән лицензияләр реестрына кертелмәгән автобусларда пассажирларны йөртү тыелды.

Скопировать ссылку

(Казан, 3 июль, «Татар-информ»). Татарстанда 8 меңгә якын автобус хуҗасы пассажирлар йөртүгә лицензия алырга тиеш. Бүгенгә республикада 545 лицензия бирелде. Бу хакта Татарстан Транспорт һәм юл хуҗалыгы министрлыгы хәбәр итә.

«Татарстанда 17 556 автобус теркәлгән. ЮХИДИ мәгълүматы буенча, шуларның 11 904е предприятиеләр һәм оешмаларга, ә 5652се физик затларга карый. 3 июльгә белешмә буенча, эшләүче 545 субъект лицензия алган. Шуларның 191е – элеккеге лицензиатлар. 6542 автобус реестрга кертелгән», – диелә министрлык хәбәрендә.

Россиядә 1 мартта үз көченә кергән федераль закон нигезендә 29 июньнән лицензияләр реестрына кертелмәгән автобусларда пассажирлар йөртү тыела.

Әлеге закон бозылганда гражданнарга һәм вазифаи затларга - 50 мең, шәхси эшмәкәрләргә - 100 мең, юридик затларга 400 мең сум административ штраф салына. Лицензия кабат булмаганда, шул ук штрафлар билгеләнгән. Ләкин бу очракта транспорт чарасын конфискацияләү яки 90 тәүлеккә кадәр эшчәнлекне административ туктатып тору каралган.

#автобус #лицензия

Сәхифәләр

Татарстанда автобуста пассажирлар йөртүгә 8 мең лицензиянең 545е тапшырылган